زرقاء اليمامة

واله مامليت لكن تململت مثل الذي توّه صحا من منامه
وناديت وينك ردّ لي ليه طوّلت وردّ الصدا لي يا دموع الندامه
كلمةعتب مدري انا غيرها شقلت حتى تجازيني بصد وملامة
لو شفت حالي بعد هجرك تهوّلت ارجع تصير النار برد وسلامه
انا على عهدي معك ما تحوّلت تعال طيّّب خاطري بابتسامه
البارحه من حرّ ما بي تخيّلت جرحي غصن زيتون وانت الحمامه
وناضرت يمّك من بعيد وتمثّلت وجهك وقلبي ممتلي بالملامه
وجرّيت ونه من خفا روحي وقلت يا ليت لي عيون ( زرقا اليمامه